Haters.

Di ko alam kung saan sila nanggaling. Kung paano sila nabuo o nagsama-sama. Kung paano sila nagka-ideya na gawin ang walang kwentang bagay na ginagawa nila - ang mang-bash at mang-hate.  

Buong pagkatao mo. Sinisira. Saan ka pa diba? Well, sino ba naman ang matutuwa kung may hater ka? Ito naman lagi yung sinasabi ng isang taong madaming haters. Minsan nga sinasabi nila, mahalin daw natin ang mga haters para daw lumambot ang puso nito at maconvert from a hater to a friend. 

Pero para sa akin, ano ako gago? Sinisiraan ako at ginagago tapos mamahalin ko? Are you on drugs dude?  Di pa ko nasisiraan ng bait para kaibiganin ang mga taong sinisiraan ako. Kung makikipagkaibigan lang din ako, di ako lalapit sa mga taong judgmental, mapanghusga, mapanlait, mapanira at walang respeto sa kapwa. Saka kung ganyan lang din ang magiging kaibigan ko, no thanks nalang. :) Kahit ba iisa lang ang kaibigan ko sa mundo e ayos lang sakin. Wala akong panahon na kaibiganin sila, unless marealize nila yung mga kamalian nila, magbago at magpakabuti. 

Pero ang pinupunto ko lang dito ay, bakit nga ba nagkakaroon ng mga haters?  

Hindi ko naman kasi talaga alam kung saan sila nagmula. Bigla bigla nalang kasi silang susulpot. Sisiraan ka sa iba. Ang malupit pa, kahit mga kaibigan mo hihilahin nila para kalabanin ka mismo. Ang nakakagago lang, since diyan sila magaling (manira ng kapwa) aba e naghahanap pa ng kakampi na akala mo susugod sa giyera. E kung matapang ka, harapin mo yung sinisiraan mo.

Ako kasi mismo, sinisiraan. Sobrang sinisiraan talaga. Porke't may trip akong gawin, na di naman nakakaagrabyado ng tao. Wala naman akong masamang ginagawa actually. Tapos, malalaman ko na lang na isang araw sobrang sirang sira na ko sa mga taong pinagsabihan nila. 

Kung wala naman kasi kayong mabuting sasabihin sa kapwa niyo, pakitikom nalang mga bibig niyo. Paano kung sa inyo gawin yun? Paano kung isa sa mga kapatid, kamag-anak o kaibigan mo gawin yun? Ikakatuwa mo ba yun? Masaya ka kaya? Nagegets mo ba yung ibig kong sabihin?  

Hindi niyo alam na mas magmumuka kayong kaawa-awa, kasi wala kayong ibang ginawa kundi pagbutihan yang paninira na yan. Ang masaklap pa, madaming nakikisawsaw. Pinapalaki. Hala sige kampihan. Nagkakasala ka lang. Mas mabuting ituon mo sa mabuting gawa yang oras, panahon at pagod mo kasi wala kang kapupuntahan sa paninirang yan. 

Oo nga pala, naisip ko, isa lang ang pinaghuhugutan ng mag taong naninira ng kapwa. INGGIT. Kaya sa lahat ng haters, wag kayong mag-alala dadating din kayo sa Acceptance stage.