Oras. Napakahalaga ng oras. ‘Di dapat natin ‘to sinasayang. Dapat sinusulit natin ‘to. Magsisisi ka rin huli kung ‘di mo naman nagawa ang dapat mong nagawa.
Siguro nga may mga pagkakataong nagiging busy tayo, maraming ginagawa o pinagkaka-abalahan pero dapat kahit papano naglalaan tayo ng oras at atensyon sa mga taong nakapaligid satin, lalo na yung mga taong importante satin. Napakalaking factor nito para mapagtibay ang kahit anong relasyon. Isang bagay lang naman ito para mapakita sa isang tao na mahalaga talaga siya sayo. Hindi sapat ang mga regalo o touching messages para mapasaya sila. Marami ngang mas hihilingin pa ang oras at atensyon ng mga mahal nila kaysa sa mga mamahaling regalo na yan. Bukod sa trust, eto ang isa pang dapat present sa isang relasyon. Dahil nga sa kawalan ng oras at atensyon mo sa kanya, nagiging rason din ang mga to para mapalayo sayo ang isang tao kasi once na na-taken for granted mo siya, isang kasakit-sakit yun para sa kanya. Magiging rason ito para malayo sayo ang loob niya at magiging dahilan naman ito kung bakit unti unti siyang mawala sa’yo. Kaya kahit anong mangyari, wag na wag mo siyang babaliwalain kung ayaw mong mawala siya sayo.
‘Di natin maibabalik ang mga oras na nakalipas na. ‘Di na tayo makakabalik sa nakaraan para itama ang mga maling nagawa natin. Siguro kaya hindi itinuloy ‘yung paggawa ng Time Machine ay para matuto tayo. Para matuto tayong sulitin ang bawat segundong lumilipas. Para matuto rin sa bawat maling nagawa natin sa nakaraan.
No comments:
Post a Comment